CGH ဆေးရုံရှိ နား၊ နှာခေါင်းနှင့်လည်ချောင်း(ENT) ဆေးခန်းသည် အရွယ်ရောက်ပြီးသူများနှင့် ကလေးများအတွက် နား၊ နှာခေါင်းနှင့်လည်ချောင်း အခြေအနေများအတွက် ရောဂါရှာဖွေခြင်း နှင့် ကုသခြင်းများကို ဝန်ဆောင်မှုပေးသည်။ အထူးကျွမ်းကျင်သော ENT ဆရာဝန်များနှင့် ကောင်းမွန်စွာ လေ့ကျင့်ထားသော ဆေးဘက်ဆိုင်ရာဝန်ထမ်းများနှင့် အတူ နား၊ နှာခေါင်းနှင့်လည်ချောင်း ပြသာနာရှိသော လူနာများကို ပြုစုစောင့်ရှောက်နိုင်ရန်အတွက် အကြံဥာဏ်များပေးခြင်း ၊ ဆွေးနွေးခြင်း နှင့် ခွဲစိတ်ကုသမှုများကို အကောင်းဆုံး ပြုလုပ်ပေးလျက်ရှိသည်။ အထိရောက်ဆုံးသော ၀န်ဆောင်မှုကို ပေးနိုင်ရန်အတွက် နောက်ဆုံးပေါ်ဆေးဘက်ဆိုင်ရာစက်ပစ္စည်းကိရိယာများကို အသုံးပြုပြီး နား၊ နှာခေါင်း၊ လည်ချောင်းနှင့် အသံအိုး (larynx) များကို စစ်ဆေးခြင်း၊ အကြားအာရုံစစ်ဆေးမှု နှင့်နားအလယ် (tympanic cavity) စစ်ဆေးခြင်းများကို ပြုလုပ်ပေးသည်။

ကျန်းမာရေးဆိုင်ရာဝန်ဆောင်မှုများ

• နား၊ နှာခေါင်းနှင့် လည်ချောင်းအခြေအနေများကို စစ်ဆေးခြင်းနှင့်ကုသခြင်း
• နှာခေါင်းအမြှေးပါးရောင်ခြင်း နှင့် ထိပ်ကပ်နာရောဂါများကို ကုသခြင်း
• အသံအိုးအခြေအနေများ၊ အက်စစ်ပြန်စီးခြင်း၊ နာတာရှည်ချောင်းဆိုးခြင်းကိုကုသခြင်း
• နား၊ နှာခေါင်း နှင့် လည်ချောင်းကင်ဆာရောဂါတို့ကို ရှာဖွေခြင်း
• အလယ်နားအနေအထားကိုစစ်ဆေးခြင်း
• နား၊ နှာခေါင်းနှင့်လည်ချောင်း အလုံးများကိုကုသခြင်း
• နှာခေါင်းတွင်းလေအိတ်ခေါင်း၊ နား၊ နှာခေါင်း၊ လည်ချောင်းနှင့် အသံအိုးများကို မှန်ပြောင်းဖြင့် ရောဂါရှာဖွေခြင်း
• မူးဝေခြင်းကို ကုသခြင်း
• Audiogram သုံးပြီး အကြားအာရုံကိုစစ်ဆေးခြင်း
• Tympanogram သုံးပြီးအလယ်နားစစ်ဆေးခြင်း
• အကြားအာရုံအထောက်အကူပစ္စည်းစစ်ဆေးခြင်း
• ENT ခွဲစိတ်ကုသမှုဖြစ်သည့် tonsillectomy နှင့် / သို့မဟုတ် adenoidectomy, endoscopic sinus ခွဲစိတ်မှုများ ပြုလုပ်ပေးခြင်း
• သိုင်းရွိုက် အကျိတ်ခွဲစိတ်ခြင်း (thyroidectomy), parotidectomy, လည်ပင်း အကျိတ်ခွဲစိတ်ခြင်း
• နားရွက်၊ နှာခေါင်းနှင့်လည်ချောင်းမှ မလိုအပ်သည့် အရာဝတ္ထုများကိုဖယ်ထုတ်ခြင်း